ढुंगा बेल्ने पत्थर बहुमुल्य पत्थर बिक्री गर्ने नाममा ठगी गर्ने गिरोहका सदस्यलाई पर्वत प्रहरीले पक्रेको छ । ढुंगामा बत्ती बल्ने बहुमुल्य पत्थर दिने भन्दै ठगी गरेको आरोपमा पर्वतको फलेबास र म्याग्दीको बेनी बस्ने चार जनालाई प्रहरीले पक्राउ गरेको हो ।
जिल्ला प्रहरी कार्यालय पर्वतले दिएको जानकारी अनुसार पक्राउ पर्नेहरुमा पर्वतको फलेबास नगरपालिका वडा नं ५ खानीगाउँका ४० बर्षिय निर्मल बिक, उनकी श्रीमती ३६ बर्षिया गुमा बिक, बागलुङ्ग नगरपालिका वडा नं १४ बलेवा घर भै पर्वतको जलजला गाउँपालिका वडा नं ३ वारी बेनीमा बस्दै आएका २४ बर्षिय मञ्जिल साह र म्याग्दीको बेनी नगरपालिका वडा नं २ ज्यामरुकोट घर भै बेनीबजारको हुलाकचोकमा बस्ने मनिष बोहोरा रहेका छन ।
जिल्ला प्रहरी कार्यालय पर्वतका प्रहरी निरीक्षक बुद्धिप्रसाद सुबेदीका अनुसार पक्राउ परेका निर्मल बिकले रुपन्देहीको बुटबल बस्ने एक जना संग सम्पर्क गरि बहुमुल्य पत्थर.(बल्ने पत्थर) आफुँ संग रहेको र धेरै महंगो मुल्यमा बिक्री गर्न सकिने भनेर ५० हजार रुपैया पेस्की लिएका थिए ।
श्रीमती गुमा बिकका नाममा ५० हजार पठाएपछि निर्मलले पिडीतलाई बल्ने ढुांगको बारेमा भिडियो समेत पडाएका थिए । बल्ने ढुंगाका बारेमा बुझ्ने क्रममा यस्तो कृतिम ढंगले बनाइएकोले आफुँ ठगिएको साथै गैह्रकानुनी काममा संलग्न गराउन खोजेको बुझेपछि प्रहरीमा उजुरी गरेका थिए । ‘निर्मल बिक र उनकी श्रीमतीलाई पक्राउ गरेपछि ठगी कार्यमा संलग्न अन्य पनि रहेको भेटिएकाले सबैलाई पक्राउ गरेका हौँ’ उहाँले भन्नुभयो ।
ठगीका रुपमा प्रयोग गरिएका ढुंगा, बनाउन प्रयोग हुने सामाग्रीहरु मञ्जिल साहको कोठाबाट बरामद गरिएको थियो । पक्राउ गरेकाहरुका बारेमा बिस्तृत रुपमा अध्ययन भैरहेको जिल्ला प्रहरी कार्यालय पर्वतका प्रमुख डिएसपी बिश्वराज अधिकारीले बताउनुभयो । ‘नक्कली भिडीयो बनाएर ठगी गरेको प्रारम्भिक अनुसन्धानबाट देखिन्छ।’ उहाँले भन्नुभयो‘यसरी अन्यत्र पनि ठगी हुने पाइएकाले गिरोह नै हुन सक्छ।’
