बजेटमाथिको सैद्धान्तिक छलफल चलिरहेको समयमा प्रतिनिधि सभाका कुर्सी खाली देखिएका छन् ।
अर्थमन्त्री वर्षमान पुनले जेठ १५ गते संसद्मा पेश गरेको बजेटमाथि आइतबारदेखि प्रतिनिधि सभामा छलफल चलिरहेको छ ।
दोस्रो दिनको छलफलमा सांसदहरूले भाग लिइरहेका छन् । तर सुन्ने सांसद भने बैठक कक्षमा छैनन् ।
छलफल पट्यारलाग्दो भएकोले आफू संसद्मै निदाएको राष्ट्रिय जनमोर्चाका चित्रबहादुर केसीले संसद्मै बताएका थिए ।
सैद्धान्तिक छलफल भोलि टुंग्याउने योजना रहेको संसद् सचिवालयले जनाएको छ ।
बैठकमा कुनै प्रस्ताव पेश गर्न प्रतिनिधि सभाका एक चौथाइ सदस्य आवश्यक पर्ने भएपनि छलफल गर्दा कति सांसद उपस्थित हुनुपर्ने भन्ने व्यवस्था नियमावलीमा छैन ।
बिहान ११ बजेदेखि शुरू भएको बैठक लम्बिँदा सांसदहरू बैठक कक्षबाट बाहिरिएको सचिवालयका एक अधिकारीले बताए ।
हेर्नुहोस्, संसद्का खाली कुर्सी
