सुर्खेतमा झण्डै २१ करोडमा स्टे होटल भ्यालीभ्यू सञ्चालनमा आयको छ। सुर्खेतको वीरेन्द्रनगर–१४ लादेमा उच्चस्तरिय सुविधासहितको तीन तारे होटल व्यवसायी तर्कबहादुर शाही सञ्चालनमा ल्याएका हुन् ।
नयाँ वर्ष २०८१ को अवसर पारी औपचारिक उद्घाटन गर्न लागिएको छ । कर्णालीको समर्ग पर्यटन क्षेत्रको प्रवद्र्धनमा टेवा पु¥याउने उद्देश्यले वीरेन्द्रनगरमा लामो समयदेखि सञ्चालनमा रहेको होटल भ्यालीभ्यूको शाखाका रुपमा होटल व्यवसायी महासंघ कर्णालीका अध्यक्षसमेत रहेका शाहीले होटल सञ्चालनमा ल्याएका हुन् ।
करिव एक विगाह क्षेत्रफलमा झण्डै २१ करोडको लागतमा सुविधा सम्पन्न भौतिक संचालनसहितको होटल सञ्चालनमा ल्याएको शाहीले बताए ।
शाहीले २०६० बाट वीरेन्द्रनगर–६ मा सञ्चालनमा ल्याएको होटल भ्याली भ्यू हालसम्म तीन स्थानमा शाखा विस्तार भइसकेको छ भने कर्णालीका १० वटै जिल्लामा शाखा विस्तार गर्ने शाहीले बताए।
वीरेन्द्रनगर नगरपालिका–१४ को गढीमा स्टे होटल भ्याली भ्यू र जुम्लाको चन्दननाथ नगरपालिका–६ मा रारा स्टे भ्याली भ्यू रिसोर्ट प्रालि स्थापना भइसकेका छन् ।
स्थानीय तथा अर्गानिक उत्पादनको प्रयोग र उपभोगमा टेवा पु¥याउदै आएको भ्याली भ्यूले स्थानीय कृषकहरुलाई रैथाने बाली उत्पादनमा प्रोत्साहनसमेत गर्दै आएको अध्यक्ष शाहीले बताए ।
शाहीले कर्णालीमा होटल क्षेत्रमा ३ दशकको अवधिमा स्थापना गरेका तीन वटा होटलमा झण्डै ३५ करोड लगानी गरिसकेका छन्, भने एक सय २० बढीलाई प्रत्यक्ष रोजगारीसमेत दिइरहेका छन् ।
कर्णालीको पर्यटन क्षेत्रको सम्वद्र्धन र प्रवद्र्धनका लागि तीनै तहका सरकारले पूर्वाधार निर्माणमा ध्यान दिन सके कर्णालीको अर्थतन्त्रले फड्को मार्ने शाहीको दावी छ ।
हाल होटलमा ३४ वटा कोठा रहेका छन् । जसमध्ये दुई वटा भीआइपी स्वीट रुम, २० सुपर डिलक्स, ६ डिलक्स र ६ वटा स्ट्याण्डर्ड कोठाहरु रहेको होटलका महाप्रवन्धक पदम सुवेदीले बताए । होटल आगामी बैशाखबाट सन्चालनमा आउने बताइएको छ ।
