अमेरिकी राष्ट्रपति डोनाल्ड ट्रम्पले इरानसँगको युद्धबारे फेरि एक पटक साहसिक दाबी गरेका छन्। ुट्रुथ सोसलुमा एक पोस्ट गर्दै उनले इरानविरुद्धको युद्ध चाँडै समाप्त गर्ने विचार गरिरहेको बताएका हुन्।
युद्ध अन्त्य गर्ने सन्दर्भमा ट्रम्पले आफ्नो पोस्टमा लेखेका छन्, हामी इरानको आतंकवादी शासनविरुद्ध मध्यपूर्वमा हाम्रा प्रमुख सैन्य अपरेशनहरू बिस्तारै समाप्त गर्ने विचार गरिरहेका छौं, किनकि हामी हाम्रा लक्ष्यहरू प्राप्त गर्न धेरै नजिक छौं।
यद्यपि, उनले इरान युद्ध अन्त्य गर्ने सन्दर्भमा हर्मुज जलडमरूमध्यबारे अर्को महत्वपूर्ण कुरा उल्लेख गरे, जुन युद्धको शुरूआती दिनदेखि नै चर्चामा छ। ट्रम्पले भने, ुयसलाई प्रयोग गर्ने देशहरू नै यसको निगरानी र सुरक्षाका लागि जिम्मेवार हुनुपर्छ।ु विश्वको लगभग २० प्रतिशत तेल सामान्यतया हर्मुज जलडमरूमध्य भएर आपूर्ति हुने गर्दछ।
ट्रम्पले अगाडि भने, हामी यी देशहरूलाई हर्मुज जलडमरूमध्य सुरक्षित गर्ने प्रयासमा सहयोग गर्नेछौं, तर इरानी खतरा समाप्त भएपछि यसको आवश्यकता पर्ने छैन। महत्वपूर्ण कुरा के हो भने यी देशहरूका लागि यो सजिलो सैन्य अपरेशन हुनेछ।
ट्रम्पले इरानविरुद्धको युद्धमा अहिलेसम्म भएका उपलब्धिहरूको पनि चर्चा गरे। उनले इरानको क्षेप्यास्त्र क्षमता पूर्ण रूपमा नष्ट भएको र इरानको सैन्य औद्योगिक आधार ध्वस्त भएको दाबी गरे। यसबाहेक, ट्रम्पले संयुक्त राज्य अमेरिकाले मध्यपूर्वमा रहेका आफ्ना सहयोगीहरू– इजरायल, साउदी अरेबिया, कतार, संयुक्त अरब इमिरेट्स, बहराइन, कुवेत र अन्य देशहरूलाई उच्च स्तरको सुरक्षा प्रदान गरेको बताए।
ट्रम्पले सैन्य कारबाही चाँडै अन्त्य गर्ने दाबी गरे तापनि बीबीसीको अमेरिकी सम्बद्ध संस्था सीबीएसको रिपोर्टअनुसार, अमेरिकी सैन्य अधिकारीहरूले इरानमा स्थल सेना तैनाथ गर्ने तयारी गरिरहेका छन्। यो सम्भावनालाई सम्बोधन गर्न विस्तृत तयारी भइरहेको रिपोर्टमा उल्लेख छ। रिपोर्टअनुसार, पेन्टागनका वरिष्ठ अधिकारीहरूले यस्तो कदम चाल्ने योजना बनाउन विशेष अनुरोध गरिरहेका छन्।
सीबीएसका अनुसार, उक्त योजनामा अमेरिकी सेना इरानमा तैनाथ भएमा इरानी सेनालाई हिरासतमा लिइने अवस्थालाई कसरी सम्हाल्ने भन्नेबारे पनि छलफल समावेश छ। यद्यपि, शुक्रबार राष्ट्रपति ट्रम्पले इरानविरुद्धको आफ्नो कारबाहीलाई क्रमिक रूपमा अन्त्य गर्ने विचार गरिरहेको बताएका थिए। उनले तत्काल युद्धविराम नचाहने कुरा स्पष्ट पारेका छन्। ुकहीँ पनि स्थल सेना पठाउने योजना छैन,ु उनले भने, ुयदि मैले त्यसो गर्ने योजना बनाएको भए पनि, म तपाईंहरूलाई पक्कै भन्ने थिइनँ।ु
उनले इरानसँग युद्धविराम गर्न नचाहेको दोहोर्याए। ट्रम्पले पत्रकारहरूसँग भने, ुतपाईंलाई थाहा छ, जब तपाईं अर्को पक्षलाई पूर्ण रूपमा समाप्त गर्दै हुनुहुन्छ भने युद्धविराम गरिँदैन।
यता, इरानका सर्वोच्च नेता मोज्तबा खामेनीले संयुक्त राज्य अमेरिका र इजरायलसँगको जारी युद्धमा शत्रु पराजित भएको दाबी गरेका छन्। नौरोजको अवसरमा जारी गरिएको लिखित सन्देशमा खामेनीले शत्रु राष्ट्रहरूको आक्रमणपछि इरानी जनता सरकारविरुद्ध उत्रने आशा गरे पनि त्यस्तो नभएको बताए। ुमैले सोचेको थिएँ कि केही दिनको आक्रमणपछि देशभर डर र निराशा फैलिनेछ र जनता सरकारको विरुद्धमा उठ्नेछन्, तर मैले गम्भीर गलत गणना गरेँ,ु उनले भनेका छन्।
खामेनीका अनुसार, विभिन्न विचारधारा र भिन्नताका बाबजुद पनि देशमा अभूतपूर्व एकता देखिएको छ। उनले यही एकताले शत्रुलाई आफ्नो उद्देश्य प्राप्त गर्नबाट रोकेको दाबी गरे।
