पूर्वसभामुख एवं एमाले उपाध्यक्ष सुवासचन्द्र नेम्बाङ आगामी २५ फागुनमा हुने राष्ट्रपति निर्वाचनमा जितका लागि आशीर्वाद माग्दै पशुपतिनाथ मन्दिरमा पूजाअर्चना गर्न पुग्नु भएको छ । सोमबार नेम्बाङले पशुपतिनाथ मन्दिरमा पूजाअर्चना गर्नुभएको हो ।
एमालेबाट राष्ट्रपति पदका उम्मेदवार नेम्बाङले करिब ४० मिनेट पशुपतिनाथमा पूजाअर्चना गर्नुृभयो। प्रतिनिधिसभा, राष्ट्रिय सभा र प्रदेशसभा सदस्यले राष्ट्रपति निर्वाचनमा मतदान गर्नेछन्।
नयाँ राष्ट्रपतिले ३ चैतदेखि कार्यकाल सकिएर बिदाबारी हुन लागेकी राष्ट्रपति विद्यादेवी भण्डारीको स्थान लिनेछन्। आठ दलीय गठबन्धनबाट कांग्रेस नेता रामचन्द्र पौडेलले राष्ट्रपति निर्वाचनमा प्रतिस्पर्धा गर्दै छन्।
