सुर्खेत। सुर्खेत उद्योग वाणिज्य संघले नेपाल राष्ट्र बैंक कर्णाली प्रदेशलाई विरोध ज्ञापन–पत्र बुझाएको छ। बुधबार संघले बैंकको कार्यालयमै पुगेर ज्ञापन–पत्र बुझाएको हो।
नेपाल राष्ट्र बैंकले आउँदो कार्तिक १ गतेदेखि लगानीमा नयाँ योजना २० देखि २५ प्रतिशतको अवधारणा व्यवसायीहरुलाई मान्य नहुने भन्दै ज्ञापन–पत्र बुझाएको संघका अध्यक्ष लक्ष्मण कँडेलले जानकारी दिनु भयो ।
ज्ञापन–पत्र बुझाउँदै संघका अध्यक्ष कँडेलले हिजोका दिनमा बैंकहरूले व्यवसायीहरुको चलिरहेको आर्थिक पाटो अनुसारको लगानी गर्दै आइरहेको अवस्थामा अहिले एकैपटक परिमार्जन गरको विषयमा अपत्ति जनाउनु भयो ।
निवर्तमान अध्यक्ष धनबहादुर रावत, महसचिव भद्र भण्डारी तथा कार्यसमिति सदस्यहरूको उपस्थितिमा संघले ज्ञापन–पत्र बुझाएको हो।