किसानलाई उन्नतजातको राँगा वितरण

वीरेन्द्रनगर नगरपालिका वडा नं. १६ ले उन्नतजातको राँगा तथा बोयर बोका वितरण गरिएको छ । वडा क्षेत्रका टोलवस्तीबाट माग भए बमोजिम चालु आर्थिक बर्षको कार्यक्रम अन्तर्गत नगरपालिकाबाट स्वीकृत भएको बजेटबाट अनुदानमा ३ वटा उन्नत जातको राँगा र एउटा बोयर बोका बितरण गरेको हो ।

कार्यक्रमको लागि वडाले ४ लाख रकम बिनियोजन गरिएको थियो । बितरण गरिएका उन्नत राँगो र बोका ब्यबसायिक कृषकहरूलाई बितरण गरिएको वडा अध्यक्ष पूर्ण बहादुर ढकालले जानकारी दिनुभयो । अध्यक्ष ढकालले कृषि, पशु लगायत विभिन्न विषयगत क्षेत्रमा वडाले शुरुदेखि नै बजेटलाई प्राथामिकता दिदै आएको बताउनुभयो ।

कृषकहरुका लागि बिनियोजना गरिएको बजेटको सही सदुपयोग पनि भएको छ , उहाँले भन्नुभयो, ‘यसले आगामी वर्षहरुमा थप बजेट विनियोजन गर्नलाई हौसला प्राप्त भएको छ ।’ उहाँले हाललाई लेहँडा, भित्रीखोला र खलाकाटेमा राँगा वितरण गरेको बताउनु भयो । ‘त्यसबाट किसानहरु प्रत्यक्ष रुपमा लाभान्वित भई आर्थिक सम्बृद्धि हासिल गर्न सजिलो हुन्छ, उहाँले भन्नुभयो, आगामी बर्ष कृषिमा कृषकले माग गरेमा आवश्यक बजेटको ब्यबस्थापन गरिनेछ ।’

Leave a Reply

Your email address will not be published. Required fields are marked *

Back to top button
>
Close