देशभर पछिल्लो २४ घण्टामा थप ६ जनामा कोरोना संक्रमण पुष्टि भएको छ ।
गत २४ घण्टामा ८९८ जनाको नमूना परीक्षण गरिएको थियो ।
४२१ जनाको पीसीआर र ४७७ जनाको एन्टिजेन विधिबाट परीक्षण गर्दा ६ जनामा संक्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
बिहीबार २३ जना कोरोना संक्रमित संक्रमणमुक्त भएका छन् भने देशभर १३९ जना सक्रिय संक्रमित रहेका छन् ।
त्यस्तै, गत २४ घण्टामा कोरोनाका कारण कसैको पनि मृत्यु नभएको मन्त्रालयले जनाएको छ ।
