आँखा क्षेत्रमा उल्लेखनीय कार्य गरेवापत सुर्खेत आँखा अस्पतालका मेडिकल डाइरेक्टर डा. शक्ति सुवेदी आइ हेल्थ हिरो अवार्ड २०२० को फ्युचर लिडरमा छनौ भएका छन् ।
द इन्टरनेशनल एजेन्सी फर द प्रिभेन्सन अफ व्लाइडनेशले आँखा क्षेत्रमा उत्कृष्ठ कार्य गर्ने चिकित्सकहरुलाई तीनवटा विधाबाट आई हेल्थ हिरो अवार्ड दिने गरेको छ । ती विधाहरु चेन्जमेकर, फ्युचर लिडर र इनोभेटर रहेका छन ।
यसपटक फ्युचर लिडर विधाबाट आई हेल्थ अवार्ड डा सुवेदीले प्राप्त गरेका हुन ।
डा. सुवेदी नेपाल रेडक्रस सोसाइटी सुर्खेतले स्वीस रेडक्रसको सहयोगमा सुर्खेतमा सञ्चालन गरेको सुर्खेत आँखा अस्पतालमा कार्यरत रहेका छन । डा. सुवेदी नेपाल आँखा अस्पताल त्रिपुरेश्वरमा ३ बर्ष अघि पढाइ सकेर कार्यरत रहेका छन् ।
‘कर्णाली प्रदेशका दुर्गभ क्षेत्रहरुमा प्रदेश सरकार र स्थानीय पालिकाहरुको सहयोगमा कर्णालीका दुर दजारमा पुगेर आँखा रोग रोगथाम, दृष्टीजाँच, आँखा स्वास्थ्य सम्वन्धी जनचेतना जगाउने कार्यमा लागेको थिए । द इन्टरनेशनल एजेन्सी फर द प्रिभेन्सन अफ व्लाइडनेशले त्यसैको कदर गर्दै मलाइ पनि पुरस्कृतका छनौट गरेछ । यसले मलाइ कर्णालीका दुरदराजमा गएर काम गर्ने उर्जा मिलेको छ,’ डा सुवेदीले गुराँस खबरलाई भने ।
द इन्टरनेशनल एजेन्सी फर द प्रिभेन्सन अफ व्लाइडनेशले नीति नियम निर्माण र कार्यन्वयन क्षेत्रका काम गर्दै आएका चिकित्सकलाई फ्युचर लिडर विद्यामा हरेक बर्ष पुरस्कृत गर्दै आएको छ ।
