विश्वकै कान्छी प्रधानमन्त्री सन्ना मारिन

फिनल्याण्डको सोसियल डेमोक्रेटिक पार्टीले सन्ना मारिनलाई आगामी प्रधानमन्त्रीका रुपमा दलको नेतृका रुपमा चयन गरेको छ ।

यातायात मन्त्री रहेकी मारिन उमेरले ३४ वर्ष मात्रै पूरा भएकी छन् । यसै साता प्रधानमन्त्रीको रुपमा शपथ ग्रहण गर्ने मारिन विश्वकै कम उमेरकी पदासीन प्रधानमन्त्री बन्नेछन् ।

हाल पदासिन रहेका विश्वका प्रधानमन्त्री तथा सरकार प्रमुखमध्ये युक्रेनका प्रधानमन्त्री ओलेक्सी होन्चरुक ३५ वर्षका छन् भने न्यूजिल्याण्डकी प्रधानमन्त्री जसिन्डा आर्डन ३९ वर्षकी भइन् ।

हुलाक सेवामा भएको हड्तालका विषयमा विश्वासको मत गुमाउँदा फिनल्याण्डका प्रधानमन्त्री आन्ती रिन्नेले राजीनामा दिनु परेको थियो ।रिन्नेले राजीनामा दिएपछि सत्तारुढ सोसियल डेमोक्रेटिक पार्टीले सन्नालाई प्रधानमन्त्री बनाउने निर्णय गरेको हो ।सन्ना नेतृत्वको सरकारमा सदनका ५ दल सहभागी हुने छन् । जसमा दलको प्रतिनिधित्व पनि महिलाकै नेतृत्वमा हुने छ ।

सोसियल डेमोक्रेटिक पार्टीबाट मारिन प्रधानमन्त्री बन्नेछिन् भने वामपन्थी गठनबन्धले ३२ वर्षीया ली एन्डरसनले नेतृत्वमा सरकारमा सहभागिता जनाउने छ ।

यस्तै, ग्रीन लिग पार्टीबाट ३४ वर्षीया मारिया ओसिसालो, सेन्टर पार्टीबाट ३२ वर्षीया क्याट्री कुल्मुनी र स्विडिस पिपुल्स पार्टी अफ फिनल्याण्डबाट ५५ वर्षीया अन्ना हेर्निकसनले सरकारमा पार्टीको नेतृत्व गर्नेछन् ।

प्रधानमन्त्री बन्न झिनो अन्तरले मात्रै विश्वासको मत पाएपछि सञ्चारकर्मीसँग प्रतिक्रिया दिँदै सन्नाले भनिन्, ‘मैले मेरो उमेर वा लिङ्गबारे कहिल्यै सोचेकी छैन । म राजनीतिमा आफू आउनुका कारण र हामीले निर्वाचन मण्डलबाट विश्वास पाउनुका कारणबारे सोच्छु ।’

विश्वकै सबैभन्दा कान्छी प्रधानमन्त्री बन्न गइरहेकी सन्ना आफ्नो परिवारबाट अध्ययनका लागि विश्वविद्यालय जाने पहिलो व्यक्ति हुन् । उनलाई उनकी आमाले एक्लै पालेकी थिइन् ।

Tuomas Niskakangas

@TNiskakangas

Finland’s government is now led by these five party leaders.

View image on Twitter
9,880 people are talking about this

Leave a Reply

Your email address will not be published. Required fields are marked *

Back to top button
>
Close